 |
काठमाडौं, २७ कात्तिक । मलेसियामा जारी एएफसी सोलिडारिटी कप फुटबल प्रतियोगितामा सेमिफाइनल जित्दै फाइनल पुग्नेमा नेपाली टोली विश्वस्त देखिएको छ । मलेसियाको कुचिङमा जारी प्रतियोगिताको सेमिफाइनलमा शनिबार नेपालले लाओससँग खेल्दैछ ।
त्यही खेलको पुर्वसन्ध्यामा आयोजित पत्रकार सम्मेलनमा नेपाली टोलीका जापानी प्रशिक्षक ग्योतोकु कोजीले लाओसविरुद्धको खेल जित्दै फाइनलमा पुग्नेमा आफू र आफ्नो टोली पुरै विश्वस्त रहेको बताए । पहिलो खेलमा देखिएको कमजोरीमा सुधार भइसकेको जनाउँदै प्रशिक्षक कोजुले नेपाल यो प्रतियोगिताको उपाधि जित्न सक्षम रहेको जिकीर गरे ।
सोलिडारीटी कप फुटबलको पहिलो खेलमा ईष्ट टिमोरसँग गोलरहित बराबरी खेलेको नेपालले दोस्रो खेलमा ब्रुनाईलाई ३र० ले हराउँदै समुह विजेताको रुपमा सेमिफाइनलमा ठाउँ बनाएको हो । प्रतियोगिताको अर्को सेमिफाइनलमा मकाउ र ब्रुनाई भिड्नेछन् ।
|
0 comments:
Post a Comment